சுவைமிக்க முந்திரி பாதாம் பால் அல்வா

ஒரு தடிமான வாணலி எடுத்தேன்
அதில் சிரிது கமகமக்கும் நெய் தடவினேன்

அடுப்பில் நெருப்பு மூட்டி அனலாக்கினேன்
ஒரு லிட்டர் பசும்பால் எடுத்தேன்

அதில் மெல்ல மெல்ல ஊற்றினேன்
சிந்தாமல் சிதறாமல் அழகாய்

வானலியில் தடவிய நெய்யும் எழிலாய்
மிதக்கிறது பசும்பாலில் கலந்து சிறிதளவாய்

மிதமான தீயில் பாலை கிண்டி கொண்டே இருந்தேன்
அது திடீரென்று கொஞ்சம் கொஞ்சமாக

திரளுகிறது ஆட்பரிக்கும் பாலாடைகளாய்
அதில் ஒரு கப் சர்க்கரை அதில் சேர்த்தேன்

கிண்டி கொண்டே இருக்கையில் வந்தது
ஒரு விதமான வாசம் கலந்தது என் சுவாசமாய்

அந்த அழகில் மயங்கித்தான் போனேனோ
பசும்பாலின் மணம் மங்குகிறது மெல்ல மெல்ல

ஆனால் மென்மையான பால்கோவாவின் மணம்
அதில் வந்தது அதிசயமாய் எனக்கு தேவையோ

பால் அல்வா பால்கோவா இல்லை என்று தெளிந்தேன்
அதனால் பொறுமையாய் காத்துகிடந்தேன்

ஒருபுறம் ஒரு குட்டி வாணலி எடுத்து
அதில் மூன்று கரண்டி நெய் ஊற்றி

பொடித்த முந்திரி போட்டேன் பொன்னிறமாய்
அதில் குதித்தான் முந்திரியின் தோழன்


தங்க நாயகன் காய்ந்த திராட்சை கை கொடுக்க
ஆனால் ஏதோ ஒன்று இப்பொது கோபமாய்

முண்டிக்கொண்டு வந்தது சண்டையிட அது
வேறு யாரும் இல்லை பாதாம்பருப்பு நண்பன் தான்

அவனை பாதி பாதியாய் பொடித்தோ
அல்லது துருவியோ சேர்க்கவேண்டும் என்று கேட்டது

கண்டிப்பாக என்னிடம் ஒரு வில்லத்தனமாய்
அவனை சிறு சிறு துண்டுகளாக நறுக்கி வைத்தேன்

இந்த நேரத்தில் பசும பால் மணக்கும் அல்வா பதத்தில்
வர இருந்தது கண்டு தாளித்த நெய்யும்

தங்க திராட்சையும் மணக்கும் முந்திரியும்
பால் அல்வாவில் அழகாய் நீராடினார்கள்

உடனே ஒரு குரல் என்னை நோக்கி வந்தது
இப்பையும் எனைய கண்டுக்கமாற்றியே என்று

அது நம்ம ஜமிந்தார் பாதாம்பருப்பு தான்
அவரயும் பால் அல்வா குளத்தில் நீராட செய்தேன்

அல்வா பதம் வந்தது வறுபட்ட முந்திரியும்
தங்க திராட்சையும் ஜமிந்தார் பாதாம்பருப்புடன்

சங்கமம் ஆனது இந்த அழகிய கூட்டணி
நெய் சொட்ட சொட்ட கிடைத்தது அல்வா
பாதாம் முந்திரி போட்ட பால் அல்வா

நாக்கில் ஊருது எச்சில் இதை உண்ண
இதோ தருகிறேன் நண்பர்களே உண்டு மகிழுங்கள்

எப்படி உள்ளது தித்திப்பான நெய் மணம் மாறாத
முந்திரி பாதம் திராட்சை அல்வா

பின் குறிப்பு இதில் ஜாதிக்காயும் ஏலக்காயும்
கூட சேர்த்துக்கொள்ளலாம் மணம் ஆளையே மயக்கும்