நினைவு ராகத்தில் தனிமையாய்

நில்லாது துடிக்கும் என் இதயம் அணு நொடியும்
உந்தன் பெயரை உச்சரிக்க

நான் திரும்பிய திசையெங்கும் உன்
பிம்ப அலைகள் தெரிய

உந்தன் வார்த்தைகளே அமுத கானமாய்
என்றும் எனக்கு ஒலிக்க

உன் ஸ்பரிச ரேகை என்னில் படர வேண்டி
நான் ஆழ்ந்து தவமிருக்க

மீட்டாத வீணையும் இன்று இசைக்கிறது
உந்தன் பெயரை நான் சொல்லுகையில்

நீ என்னை வந்து சேரும் காலம் வரை
இப்படியே என் பொழுது இனிமையாய்

உன் நினைவு ராகத்தில் தனிமையாய்
இசைத்து என்னை சந்தோஷ சாந்தியை
பரிசாய் தருகிறது

இந்த பிரிவு கொடியதாய் நீண்டாலும்
மாண்டு போகாது என் மூச்சு முத்து

பொக்கிஷமாய் காத்திருப்பேன்
ஒரு அழகிய சிப்பி முத்தாய்

உனது வருகை என்னை நோக்கி வரும்
என்று துவளாமல் நினைவு ராகம் பாடல் பாடி

நம்பிக்கையாய் இன்ப ராகம்
படித்து மனமகிழ்ந்து வரவேற்பேன்